५-७ वर्षापूर्वींची गोष्ट आहे… आमच्या नेहमीच्या १ वॉटचे (अनेक लाईट एमिटिंग डायोडचा गुच्छ असलेले) दिवे खरेदी करायच्या दुकानात गेलो होतो… नेहमीप्रमाणे शुभ्र नाईट लँपची चोकशी केली, तेव्हा तेथील बाई-माई-ताई म्हणाल्या ते दिवे संपले आहेत… म्हंटले असे कसे काय? कधी येतील… तेव्हा म्हणाल्या आत्ता हिरवे दिवे खूप पडून आहेत, ते कोणीच घेत नाही… त्यामुळे शुभ्र दिवे काही लगेच आणणार नाही…
क्षणभर विचार करून म्हंटले द्या २-३ हिरवे दिवेच… काय फरक पडतो हो देवासामोरी हिरवा दिवा लावला तर…? तर असे हे २-३ हिरवे दिवे आमच्या घरात रात्रपाळीची ड्युटी आजवर निवांत करत होते… आजवर असे मी गेल्या १५-२० दिवसांपर्यंत म्हणू शकतो, आता नाही…
का?… अहो चक्क देवाजवळच्या दिव्याने हिरवा रंग टाकून शुभ्र रंग धारण केला त्याला काय म्हणायचे आता? तर आपली रंगांधता ही इतकी शुभ्र असते की आपल्याला देवाजवळ हिरवा दिवा चालत नाही, काळे कपडे घालून केलेल सत्कृत्य देखिल चालत नाही… मात्र शुभ्र कपडे घालून केलेले अत्याचार, भ्रष्टाचार, काळी कृत्ये चालतात..
तर त्या अनुषंगाने आजचा शब्द आहे श्या-मे-लिऑन. अगदी सनी-लिओन इ-स्टाईल… तर पुढच्या वेळेस जर-यदा-कदाचित-अमेरिकेला जायची वेळ आली तर आम्ही मात्र-केवळ अंगावरच्या कापड्यानिशी तिकडे जायचे, कोणतेही स्पेअर कपडे न्यायचे नाहीत असे योजले आहे… अहो कारण अगदी साधेच आहे… नाटकातील प्रवेश हा उत्तमच हवा ना? म्हणून… गरज वाटल्यास तिकडेच भिक्षा मागून पैसे जमवून, नवीन कपडे खरेदी करणार अन्यथा तसेच एकवस्त्री प्रयोग दर्रोज सादर होणार… नाहीतरी पाश्चिमात्यांनी जगभर बाथरुम बांधूनच टाकल्या आहेत… काय गरज आहे हो तिथल्या एखाद्या निळ्याशार तळ्याकाठी गार पाण्याने (स्वतःला) आंघोळ घालायची. प्रदुषण सुद्धा कसे अगदी चॅनेलाईझ करायचे असते, नळा-नळातून…. मग ते घाण पाणी एकत्र करून त्यावर प्रोसेसिंग, काय कोण सिंग, देऊ का कानाखाली अजून एक? त्याचे पुनर्शुद्धिकरण करून त्यांना त्यांच्या मूळ धर्मात स्थिर करायचे असते… अगदी भूस्थिर उपग्रहासमान…. सूर्य हा असाच एक भूस्थिर ग्रह नाहीये का? कशाला एवढा दुराग्रह धरताय? अहो, पृथ्वीचाच उपग्रह नाहीये का तो?
काय म्हणाला, अनुग्रह हवाय स्वामी? अरे इथे तर कोणीच दिसत नाही मग हू (इज) सॉमी? अगदी हाफिज स्टाईल बोललात की बो।
हा, पण जाताना बरोबर एक टॉवेल, नॅपकिन, पंचा किंवा तत्सम संबोधित अजून एक वस्त्र नक्कीच नेणार, तोंडचा कपाळाचा घाम पुसायला… कारण आमचा अवतार बघून तिथल्या एखाद्याने भरपूर मार खाल्लाच तर बॉक्सिंगच्या मॅच इ-स्टाईल तो टॉवेल रिंगणात टाकून कोणा गधड्या-ड्यी-चा जीव तरी वाचवता येईल… आणि तसेही अत्तराचा फवारा अंगभर मारून आंघोळ न करता फिरण्यापेक्षा ते नक्कीच श्रेयस्कर!
पायात चप्पल असणार का? वा, काय छान प्रश्न आहे… उत्तर नक्की कुठे लिहून-वाजवून देऊ तेवढे सांगा म्हणजे झाले…. अजून काही शंका असल्यास लघु-वा-दीर्घ, अवश्य तपासावे. शेवटी आपुलीच प्रतिमा होते, आपुलीच वैरी….
काय कशी काय वाटली आजची लेखप्रत? प्रत? हो प्रतच, कारण मूळ कुठे आहे हे मुळी कोणाला ठावच नाय….
